OPARURE MARAE
18 o Aperira 1896 te whakatūwheratanga
PEPEHA
Ko Te Tuhi o Te Ao Marama te maunga
Ko Mangapū te awa
Ko Tainui te waka
Ko Ngāti Maniapoto te iwi
Ko Ngāti Kinohaku te hapū
Ko Waipātōtō Tuatahi me Waipātōtō Tuarua ngā whare tūpuna
Ko Te Tuhi o Te Ao Marama te wharekai
Ko Oparure te marae
Ko Hotu Taua te tangata
Ko Whitinui te tupuna
Te Tikanga, Te Kawa me Te Tapu
Whaikōrero/Karanga
29 o Maehe 1986 te whakatūwheratanga
- Ko ngā Rūruhi me ngā Koroheke ngā kaipupuru i ngēnei taonga
Te Paepae o Oparure Marae
"Tāmou ana te rua ngārehu kia hui mai anō te iwi ki te pākai ahi" - Paraone Gloyne
Te Reo Kaumātua
- Ngā Rangatahi ka āminetia e ngā Kaumātua
- Me whakarīrā kia pūioio te reo kahika o Maniapoto
"Kia mau tātou ki tō tātou reo. Kia kaha, kia māia, kia māhaki, kia manawa nui. Engari ko te mea tuatahi ko te aroha, koia te mea nui. Ki te kore te aroha ka ngaro tātou te iwi Māori. Paiherengia ngēnei mea katoa i roto i a tātou, te ngākou o tātou o te iwi Māori. Ka kite tātou i te puāwaitanga o ngā mea katoa. Te māramatanga, te huarahi tika hei haerenga mā tātou te iwi Māori."
- Tame Green, Ngāti Maniapoto
- E ngā uri whakatupu, whakarongo, kia kaha. Hāpainga ake rā ngā mahi huatau ā ngā tūpuna
- Wānanga Whaikōrero/Karanga
Kia ora tonu ngēnei taonga mō ngā uri whakatupu
E tāharahara ana te kāhui kōrero
Ngāti Kinohaku
Ngaruru ana he nehenehenui i tāku i whakatō, i kumanutia, i whangaia ki ngā hāpenupenu, i whakainumia ki te taiea o te reo.
He kounga te whakaaro
He ngāwari te reo, he nui te whakaaro