Introducing
Your new presentation assistant.
Refine, enhance, and tailor your content, source relevant images, and edit visuals quicker than ever before.
Trending searches
Who we are?
Këto cilësi të reja muzikore i quajmë ekspresioniste”, që nënkupton të shfaqurit e përjetimit të brendshëm shpirtëror, pa u ndikuar në mënyrë të drejtpërdrejtë nga ngacmimet e jashtme, pra krejtësisht në mënyrë subjektive.
Kompozitori ekspresionist paraqet botën e tij të brendshme, ndjenjat, imagjinatën. duke kërkuar rrugë të reja shprehëse. Kjo gjuhë muzikore, e nisur dhe e zhvilluar nga kompozitori austriak Arnold Shënberg, në fillim të shek XX u përqafua edhe nga kompozitorë të tjerë, duke krijuar stilin e ri muzikor, të quajtur ekspresionizëm.
Arnold Shënberg (1874, Vjenë-1951, Los Anxhelos)
Muzika ishte e pranishme në jetën e Shënbergut që nga fëmijëria e tij e hershme, ngase nënën e kishte pianiste. Në moshën tetëvjeçare filloi të mësojë violinë e pastaj edhe violonçelo. Që nga kjo kohë tregon interesim edhe për kompozim. Mësimet muzikore, si ato teorike, ashtu edhe ato praktike, i përvetësoi kryesisht vetë, pra ishte autodidakt. Thellimi i tij muzikor ishte aq i gjerë, saqë u emërua profesor në disa institucione të larta, si: në Berlin, në Boston, në Los Anxhelos etj. Disa nga nxënësit e tij u bënë po aq të famshëm si Alban Berg e Anton Vebern.
Pablo Pikaso ''Tre muziktarët''
Ekspresionizmi nuk shfaqet vetëm në muzikë, por atë e vërejmë, bile më herët, në artin figurativ dhe në atë letrar. Janë të njohur ekspresionistët figurativë, si: Eduard Munk, Zhorzh Brak, e deri te kubisti Pablo Pikaso, duke e përfshirë edhe piktorin tonë, Ibrahim Kodra etj.
Ekspresionistët në letërsi, përkatësisht në poezi, si: Georg Trakël, Bertol Breht etj., shprehin përjetimin e tyre të brendshëm me mjete shprehëse të reja, duke trajtuar zhvillimet dramatike të krizës shoqërore.