Ang Silangang Visayas o Rehiyon VIII ay matatagpuan sa gitna

Ang Pista ng Pahoy-Pahoy ay isang ritual na gingawa ng mga taga-Calbiga, Samar, tuwing ika-25 ng Mayo. Ayon sa kanilang alamat, ang mga pahoy (scarecrow) ang mga nagtaboy sa mga ibon na kumakain ng kanilang mga pananim na palay, kaya ang pagdiriwang ay bilang isang pasasalamat ng mga tao rito. Sa ngayon, ang pagdiriwang ay naging parte na ng tradisyong Kristiyano ng taunang pista ng bayan.

Parte na ng tradisyon ng mga taga-Calbiga , Samar and pagdiriwang, ito ay para sa Diyos ng kalikasan, ngunit sa ngayon, ito ay naging parte na ng paniniwalang Kristiyano ng mga tao. Ito ay naging taunang pagdiriwang kung saan ang mga mamamayan galing sa iba't-ibang barangay ay gumagawa ng mga higanteng pahoy.

Tampok sa pagdiriwang ng pista ng pahoy-pahoy ang mga malahiganteng pahoy na ito na gawa sa mga katutubong materyales at isinasayaw sa mga kalye habang tumutugtog ang mga instrumentong gawa sa kawayan, lata at bato, ito ay pinaniniwalaang nagtataboy ng mga maya. Kasabay rin nito ang mga mananayaw na nakasuot kagaya ng pahoy at may mga makukulay na palamuti sa kanilang damit. Sa katapusan ng parada, ang may pinakamagadang pahoy na sumisimbolo sa konsepto ng alamat ang tatanghaling panalo.

Ang Pista ng Pintados, o tinatawag ding Pista ng Pintados-Kasadyaan, ay isang masayang pagdiriwang na tumatagal ng isang buwan, kung kailan din ginaganap ang "Leyte Kasadyaan Festival of Festivals", ang "Pintados Festival Ritual Dance Presentation" at ang "Pagrayhak Grand Parade". Ang mga pagdiriwang ito ay sinasabing nagmula sa Pista ni Señor Santo Niño tuwing ika-29 ng Hunyo. Ang mga taga-Leyte ay ipinagdiriwang ang nasabing pista sa isang bukod-tangi at makulay na pamamaraan. Bihasa ang mga Bisaya sa pagtatato, ang mga lalaki't babae ay mahilig magtato sa kanilang sarili.

Ipinapakita ng Pista ng Pintados ang mayamang kultura ng Leyte at Samar, sa pamamagitan ng pagsasama-sama ng mga katutubong sayaw at musika. Ang "Leyte Kasadyaan Festival of Festivals" naman ay nagpapakita ng bukod-tanging kultura at makulay na kasaysayan ng probinsiya ng Leyte. Sinimulan ni dating Gobernador Remedios Loreto-Petilla, ang pagdiriwang ay unang ginanap noong ika-12 ng Mayo, 1996. Ang mga pista ay hindi laging ginaganap tuwing ika-29 ng Hunyo dahil sa unang tatlong taon ay nangyari ito sa magkaka-ibang petsa. Noong 1999 lamang ito opisyal na itinakda sa araw ng Hunyo 29, ang Pista ni Señor Santo NIño de Leyte.

Ang kahulugan ng "Kasadyaan" sa dayalektong Bisaya ay katuwaan at kasiyahan. Maraming pista ng munisipalidad ngLeyte ang nagsasama-sama sa kabisera, sa Lungsod ng Tacloban, upang makiisa sa selebrasyon. Masisiglang parada ng mga drama at sayaw ang nagaganap. Isang mahalagang papel ang ginagampanan ng mga pistang ito, iyon ay upang mas mahikayat ang bawat Leyteño na ipagmalaki at pahalagahan ang kanilang kultura. Bawat munisipalidad ay gumagawa ng kanilang istorya ibabahagi sa pista tungkol sa kanilang lokal na mga kuwento at alamat.

Ang Silangang Visayas o Rehiyon VIII ay matatagpuan sa gitnang bahagi ng Pilipinas. Isa ang Rehiyon ng Silangang Visayas sa tatlong rehiyon na nag-uugnay sa Luzon at Mindanao sa pamamagitan ng National Maharlika Highway. Naliligiran ang rehiyon ng Surigao Channel ng Mindanao sa timog; San Bernardino Strait sa hilaga; ng mga dagat ng Maqueda, Camotes at Bisaya; ng Gulpo ng Leyte at Karagatang Pasipiko sa silangan.

Binubuo ng tatlong mayor na pulo ang Rehiyon ng Silangang Visayas; sa mga pulong ito nakapaloob ang mga lalawigang bubuo sa rehiyon: Biliran sa Isla ng Biliran; Silangang Samar, Kanlurang Samar, Hilagang Samar sa Isla ng Samar; at Leyte, at Timog Leytesa Isla ng Leyte.

Region 8