Loading presentation...

Present Remotely

Send the link below via email or IM

Copy

Present to your audience

Start remote presentation

  • Invited audience members will follow you as you navigate and present
  • People invited to a presentation do not need a Prezi account
  • This link expires 10 minutes after you close the presentation
  • A maximum of 30 users can follow your presentation
  • Learn more about this feature in our knowledge base article

Do you really want to delete this prezi?

Neither you, nor the coeditors you shared it with will be able to recover it again.

DeleteCancel

Make your likes visible on Facebook?

Connect your Facebook account to Prezi and let your likes appear on your timeline.
You can change this under Settings & Account at any time.

No, thanks

KEN TA DIOS ?

Kurso di kredo Dekanato meimei 2
by

Andrés Colmenares

on 21 February 2013

Comments (0)

Please log in to add your comment.

Report abuse

Transcript of KEN TA DIOS ?

E respuesta ku a dunanos Hesu Kristu KEN TA DIOS ? Indiferensia i rechaso pa ku Dios. E kaminda “natural” pa konosé Dios. E revelashon di Dios den Hesukristu. Dios, e Tata di tur hende. Dios, e Tata di Hesus. Ki “Paternidat”? Biba komo “yunan di Dios”. Ta hopi fásil malusá nòmber di Dios ora ta papia i aktua. Fásilmente nos ta riska bisa ku esaki ta Dios su boluntat i loke nos ta afirmá ta nos deseo òf vishon humano so. San Agustin tabata bisa: “ Ora nos papia di Dios, no keda sorprendí ku bo no ta komprond’É, pasobra si bo ta komprondé tur kos e ora ei E no ta Dios.” • Tin hende ku ta pensa ku Dios a bira inútil i ku E no ta hunga ningun ròl importante den nos kuminidat. E progreso di siensia i téknika a okupá su lugá.
• Pa otro Dios a bira simplemente un ilushon ku hende a inventá pa splika e kosnan ku e ta ignorá ainda, pa haña konsuelo den su doló, pa sigui kere den e faktibilidat di su idealnan i deseonan, pa no sukumbí dilanti di su responsabilidat i miedunan.
• Otronan ta ninga Dios, pasobra si E eksistí, hende ta keda privá di su libertat. Mester ninga Dios su eksistensia pa salba dignidat di hende, su outonomia, su responsabilidat i su libertat.
• Otronan ta rechasá Dios, pasobra si E ta eksistí, nos tin ku pensa ku E ta un Dios malbado ku ta pèrmití eksistensia di sufrimentu i maldat òf ku e ta inkapas pa kaba ku desgrasianan humano.
Ateismo moderno ta ninga Dios den nòmber di siensia, di sikologia, di dignidat di hende... Pero promé ku ninga Dios, ta bon puntra nos mes: Kiko nos ta hasi pa konosé ku tantu siguridat i soberbia, Ken Dios ta? I kon nos ta pretendé ku nos konosementu asina limitá ku nos sa ken Dios ta, pa disidí si e tin òf no derechi di eksistí. Alkontrali, nos tin ku rekonosé ku Dios ta keda semper un reto permanente pa e konsenshi kritiko di hende, un reto ku nos tin ku aseptá te na su último konsekuensianan, i ku ta kibra kontinuamente e modelonan di nos pensamentu ku nos por a alkansá, pasobra e ta trasendé nos. Hopi biaha e imágen ku nos tin di Dios ta keda kondishoná pa e edukashon ku nos a risibí i pa e manera ku nos a desaroyá nos inisiashon kristian, nos kresementu den fe. Esun ku ta kere i esun ku ta ninga Dios, tur dos ta kore e riesgo di aseptá òf rechasá un imágen falsu di Dios. Beibel ta hasi bon ora e ta prohibí traha imágennan di Dios. (Ex20,4; Deut 5,8).
Den e karta na Timoteo, Dios ta deskribí manera esun “ku ta biba den un lus ku ningun hende por aserká i niun hende no por a mir’É nunka, ni lo por mir'É tampoko”. (1Tim 6,16)
Den nos universo tin hopi signonan di e presensia di Dios, ku hende ta buska pa komprondé usando e kapasidatnan ku su Spiritu i kurason ta dun’é. Dios mes a duna i ta sigui duna signonan di su presensia pa hende por topa kun’É i komprondé, ku di bèrdat, E no ta leu for di nos.(Hech. 17,27)
Hende por konosé Dios berdadero siguiendo e markanan ku E mes a laga den su kreashon i spesialmente den hende, e obra kulminante di su kreashon.
No ta sufisiente pa hende rekonosé ku Dios ta eksistí i rekonosé ku E ta dibino i todopoderoso. Hende ke yama Dios na su nòmber, kompartí kun’É, manera un persona ku ken bo por sera un relashon di amistat. Birando mas i mas konsiente di e eksigensia aki, nos ta ripará ku esaki no por sosodé si Dios mes, ku su inisiativa bondadoso i gratuito, no ta revelá su kara i manifestá su bida íntimo. Fe kristian ta sigui proklamá ku berdaderamente asina a sosedé ora Hesus di Nazaret a bin biba meimei di nos. Hesus no ta un signo meimei di hopi signonan di Dios su presensia den e mundu. E ta hopi mas. E ta “Imágen di Dios invisibel” (Kol. 1,15) Skuchando Hesus nos por komprondé ken Dios ta di bèrdè. “Nos no konosé Dios, sino pa medio di Hesus”, asina Pascal a skirbi. E Evangelio di San Huan ku ta bisa klaramente : “Nunka ningun hende a mira Dios”. E ta kompletá e pensamentu aki bisando: “Ta e Yu di Dios, ku tabata serka Tata, a revelá ken Dios ta” (Huan 1,18.) Hesus a bisa Felipe: “Esun ku mira Mi, a mira Tata”. (Huan 14,9) Hesus ta revelá Dios, pasobra E ta e Yu. Esaki ta nifiká ku e Dios ku Hesus a revelá ta un Tata. Esaki ta e novedat esensial ku Hesus a revelá di Dios. Promé ku tur kos, Dios ta e Tata di Hesus. E Tata di nos Señor Hesukristu. Hopi biaha Hesus ta yama Dios ku e nòmber di “Tata” i ora E ta resa, Hesus no ta usa otro nòmber. Hesus tin un relashon filial úniko ku su tata, ku no tin komparashon. E Pueblo Hudiu no tabatin kustumber di yama Dios ku e nòmber di Tata. Hesus no ta usa ku frekuensia e manera aki di dirigí su mes na Dios, sino ku e tin un otro novedat ora e ta yam’É, usando e nòmber “Abba” (Mk14,36). Hesus mes a splika su relashon úniko i original ku Dios Tata asina aki: “Tur kos mi Tata a duna Mi. Niun hende no konosé e Yu, sino ta Tata so. Niun hende no konosé e Tata sino e Yu so i esnan ku e Yu ke laga konosé e Tata” (Mt 11,27). Hesus a revelá ku Dios ta su Tata, pero El a bisa nos ku Dios ta nos Tata tambe. Ta asina ku nos no tin ku Dios Tata e relashon apsolutamente úniko ku ta privilegio di Hesus so.
Dios ta nos tata, no pa medio di un nasementu biológiko, ma pa medio di un relashon liber i gratuito ku Dios mes a ofresé. Relashon ku Beibel a yama: liberashon, elekshon, protekshon, guia, aliansa, adopshon i amor. Pasobra e no ta un konsepto biológiko, ni fisiológiko, e paternidat di Dios nan ta konsider’é un metáfora ku ke ekspresá solisitut, afekto, preokupashon, serkania i kariño.
Pasobra e ke ekspresá e relashon di kariño i amor, e palabra “maternidat” ta yuda tambe ekspresá e relashon asina sorprendiente di Dios ku humanidat. Por mira e ekspreshonnan ku Beibel ta usa: “ Akaso un muhé por lubidá su yu i keda sin stima e yu di su mondongo? I si e yega na lubid’é mes, Ami si nunka no ta hasié” (Is 49,15); “Manera un mama ta konsolá su yu, asina Ami tambe lo konsolá boso”.(Is 66,13). E paternidat di Dios ta un konsepto históriko, ku ta aparesé ora nos ta saminá e historia di e relashonnan di Dios ku su pueblo Israel i prinsipalmente den e historia di Hesus ku humanidat. Ta e aktitut ku Hesus tabata ekspresá den su komportashon, su moda di relashoná ku hende, su palabranan, su milagernan, su agonia i morto i su resurekshon. Einan nos ta haña e kontenido berdadero di e palabra “Tata” ora nos komprondé e relashon ku Hesus a eksperenshá ku su Tata durante su bida. bertat i dignidat. Dios ta Tata, pasobra E ta duna pordon i ta bolbe aseptá den su kas e yunan ku a bandon’É. E Tata, ku nos ta deskubrí den e historia di Hesus, ta esun ku ta kuida esnan bon, pero tambe esnan malu i e pekadónan. Hesus ta sinta na mesa ku pekadónan i marginánan pa bisa nan ku Dios ta akohé nan ku brasanan habrí. Tata ta esun ku pa medio di Hesus ta mustra un interes speshal pa esnan pober, oprimí, marginá i humiá di nos sosiedat. Dios ta Tata no pa hasi hende katibu sino yunan stimá. E nòmber mas riku ku fe kristian ta duna na Dios, no ta e nòmber Tata, sino e nòmber Amor. “Dios ta Amor i esun ku ta biba den amor ta keda den Dios i Dios ta keda den dje”. (1Hn 4,16). Nos ta yama Dios na e nòmbernan “Amor” i “Tata”, pero esei no ta nifiká ku nos bida di “yunan” i di “hende stimá” ta bira un bida sin difikultat i kontratempu. Hesus, e Yu berdadero, a topa ku su Tata den e momentu difísil di su prueba, den e agonia di e Getsemaní.
Nèt den e momentu ei Hesus a yama Dios ku e nòmber kariñoso di Abbá, “Abbá, Tata! Pa Bo tur kos ta posibel, apartá e kális aki for di mi. Pero no loke Ami ke, sino loke Abo ke”.(Mk14,36) Klabá na krus Hesus ta eksperiensha e silensio di Dios.
Rekonosé Dios komo Tata ta nifiká, aseptá, imitá Dios su paternidat (Boso ta perfekto meskos ku boso Tata selestial) ku ta libra hende, ta pordon’é, ta debolb’é su dignidat, spesialmente ora ta trata di e esnan mas marginá den sosiedat. Pero esaki ta nifiká tambe ku nos tin ku konfia semper den Dios sin reserva i ku konfiansa filial total.
Full transcript