Copy of 6 класс. 1-ая тема. Культура поведения и общения в школе.

Topic 1

Hər bir şagird mədəni ünsiyyət və davranış qaydalarını bilməli və bu qaydalara riayət etməlidir.

Bəs bu hansı qaydalardır?

Ümumi davranış qaydaları:

• Şagird dərsin başlanmasına 15—20 dəqiqə qalmış təmiz və səliqəli vahid məktəbli formasında məktəbə gəlməlidir. O, üst geyimini qarderoba təhvil verib, qarşıdan gələn dərs üçün dərs vəsaitlərini hazırlamalı və öz iş yerini tutmalıdır;

• Dərs zamanı müəllimlərin icazəsi olmadan məktəbi və məktəb ərazisini tərk etməməlidir. Dərsdə iştirak etmədiyi halda sinif rəhbərinə tibbi arayış və ya valideynləri (onları əvəz edən şəxs) tərəfindən yazılmış izahat təqdim etməlidir. Üzrlü səbəb olmadan dərs buraxmamalıdır;

• Şagird özündən böyüklərə hörmət, kiçiklərə qayğı ilə yanaşmalıdır;

• Məktəbdə və məktəbdən kənarda özünü mədəni və layiqli aparmalıdır.

Topic 2

• Dərslər kabinet sistemində keçirildiyi üçün kabinetdə hər şagird üçün bir yer müəyyən edilmişdir. Hər bir şagird öz iş yerinin təmizlik və səliqəsinin qorunmasına cavabdeh olmalıdır;

• Şagird dərs zamanı müəllimin tələblərini yerinə yetirməyə çalışmalıdır;.

• Şagird yüksək və aydın səslə cavab verməli, xəritədən, şəkillərdən, əyani vəsaitdən istifadə etməlidir;

• Dərsin bitməsini bildirən zəng müəllim üçündür. Müəllim dərsin bitməsini elan etdikdən sonra şagirdlər sinfi tərk etmək hüququna malikdir. Müəllim sinifdən çıxarkən şagirdlər hamılıqla ayağa qalxmalıdırlar.

Topic 3

Şagirdlərə qadağandır:

• Dərsdənkənar vaxtda məktəbdə gəzmək;

• Üst geyimində gəzmək;

• Pilləkənlərdə, pəncərələrin yaxınlığında və oyun üçün nəzərdə tutulmayan yerlərdə qaçmaq;

• Bir-birini itələmək, bir-birinə nə isə atmaq və fiziki güc tətbiq etmək;

• Şagirdə yaraşmayan ifadələr işlətmək və lazımsız hərəkətlər etmək, səs salmaq, dərslərin gedişinə mane olmaq.

Sinif üzrə növbətçinin vəzifəsi:

• Tənəffüs zamanı sinif otağında olmaq;

• Sinif otağının səliqəli olmasına nəzarət etmək;

• Dərs otağını növbəti dərsə hazırlamaq üçün müəllimə kömək etmək;

• Dərs qutardıqdan sonra sinfin təmizliyini təmin etmək.

Ədalətli ol. Öz hərəkətlərini götür-qoy et və hansısa səhvə yol vermisənsə, günahını etiraf etməyi bacar. Bundan utanma, əksinə, bu hərəkətinlə hamıya dürüst və ədalətli insan olduğunu sübut edəcəksən. Təsadüfən etdiyin doğru olmayan hərəkətə görə üzr istəməyi bacar. Yalnız ədalətsiz insan öz səhvlərini etiraf etməkdən və üzr istəməkdən imtina edə bilər.

Səbirli ol. Əgər yoldaşlarının davranışında nə isə xoşuna gəlmirsə, hirslənmə, qışqırma, dava etmə, ağlama! Bir anlıq dayan və fikirləş: «Bəlkə, mən özüm düzgün etmirəm?» Həmişə əvvəlcə fikirləş, sonra hərəkət et!

Topic 4

SUALLAR

Dərs zamanı şagirdlərin ümumi davranış qaydaları hansılardır?

Tənəffüs zamanı şagirdlərin vəzifəsi nədən ibarətdir?

Məktəbdə hansı hərəkətləri etmək qadağandır?

Sinif üzrə növbətçinin vəzifələri hansılardır?

Yeməkxanada şagirdlər hansı davranış qaydalarına riayət etməlidir?

Şagird öz yoldaşları ilə necə ünsiyyət qurmalıdır?

Topic 5